Divizion klublarının cəzaları məlum oldu

18:45 3 Noyabr 2020

AFFA İntizam Komitəsinin iclası keçirilib.
 

Sportarena.az xəbər verir ki, toplantıda I Divizionun IV turunun oyunları ilə bağlı aşağıdakı qərarlar qəbul olunub:

 

“Qarabağ-2” – “Neftçi-2” oyununda qonaqların 4 futbolçusu sarı vərəqə ilə cəzalandırıldığı üçün “Neftçi” 80 manat cərimə olunub. Meydança vaxtında sulanmadığına görə matçın ikinci hissəsi gec başlandığı üçün meydan sahibi klub 80 manat cərimələnib.
 

“Kəpəz” – “Zaqatala” oyununda meydan sahiblərinin 5 futbolçusu sarı vərəqə ilə cəzalandırıldığı üçün klub 80 manat cərimə olunub. Matçın 52-ci dəqiqəsində “Zaqatala”nın futbolçusu Nicat Oruclu “kobud oyun”a görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klubu 160 manat cərimə olunub.
 

“Sumqayıt-2” – “Qaradağ Lökbatan” oyununda qonaqların 7 futbolçusu sarı vərəqə ilə cəzalandırıldığı üçün klub 80 manat cərimə olunub.
 

“Keşlə-2” – “Turan Tovuz” oyununda meydan sahiblərinin 5 futbolçusu sarı vərəqə ilə cəzalandırıldığı üçün klub 80 manat cərimə olunub. Oyunöncəsi iclasda polis nümayəndəsi iştirak etmədiyi üçün meydan sahibi klub 40 manat cərimə olunub.
 

MOİK – “Sabah-2” oyununda meydan sahiblərinin heyətində Kənan Quliyev matçın 21-ci dəqiqəsində “sonuncu ümid folu”na görə qırmızı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub. “Sabah”ın 5 futbolçusu sarı vərəqə ilə cəzalandırıldığı üçün klub 80 manat cərimə olunub.


Digər xəbərlər

Xəbər xətti