“Dünya çempionatına vəsiqə qazanmaq istəyirik” - "Səbail"in qapıçısı

12:10 15 Yanvar 2021

"Daim milli komandanın üzvləri ilə danışıram. Komanda hər dəfə oynayanda mənə matçlar barədə məlumat verilir. Bu, mənim üçün çox vacibdir".

 

Sportarena.az xəbər verir ki, bu fikirəri "Səbail"in qapıçısı Nikolas Hagen "Emisoras Unidas" nəşrinə açıqlamasında deyib."Səbail"in düşərgəsində olduğu üçün Qvatemala yığmasına dəvət almayan 25 yaşlı qolkiper bildirib ki, hər zaman həmkarlarına dəstək olmağa hazırdır.

 

O, martda DÇ-2022-nin seçmə mərhələsində Britaniya Virgin Adaları, Kürasao və Kuba ilə görüşlərdə komandaya qoşulacağına ümid edir: "Həmin matçları birlikdə qazanmalıyıq. Bütün dünya koronavirusla mübarizə aparır. Mürəkkəb mərhələdəyik. Hazırda həyatla ölüm arasındayıq. Dünya çempionatına vəsiqə qazanmaq istəyirik. Bunu bacarmaq üçün mübarizə aparmalıyıq".

 

Qeyd edək ki, Nikolas Hagen 2020-ci ilin sentyabrında "Səbail"ə keçib. 


Xəbər xətti