“Sumqayıt” FK kapitan Vurğun Hüseynovun ardınca daha bir futbolçu ilə müqaviləni yeniləyib.
Yarımmüdafiəçi Murad Xaçayev daha 2 il bu komandanın uğurları üçün çalışacaq. Qeyd edək ki, 2018-ci ildən “Sumqayıt”ın şərəfini qoruyan Murad Xaçayev ümumilikdə 32 oyunda (2293 dəqiqə) meydanda olub. O, 4 dəfə rəqib qapılarına yol tapmağa da müvəffəq olub.
23 yaşlı yarımmüdafiəçi həmçinin Azərbaycanın U-19, U-21 və əsas milli komandalarında da çıxış edib.