Bu gün AFFA İntizam komitəsinin iclası keçirilib.
İclasda Premyer Liqamızın 2-ci turunda keçirilən oyunlarla bağlı qərarlar qəbul edilib.
Premyer Liqanın 2-ci turunun “Qəbələ” – “Keşlə” oyununda meydan sahiblərinin 5 futbolçusu sarı vərəqə ilə cəzalandırıldığı üçün klub 800 manat cərimə olunub.
“Qəbələ” – “Keşlə” oyununda matçın 90+5-ci dəqiqəsində qonaq komandanın futbolçusu Şəhriyar Əliyev hakimi təhqir etdiyinə görə birbaşa qırmızı vərəqə ilə meydandan kənarlaşdırıldığı üçün 4 oyun cəzalanıb, klub 3200 manat cərimə olunub.
Premyer Liqanın 2-ci turunun “Zirə” – “Neftçi” oyununda qonaq komandanın 5 futbolçusu sarı vərəqə ilə cəzalandırıldığı üçün klub 800 manat cərimə olunub.