Azərbaycan karateçisi Asiman Qurbanlı Birləşmiş Ərəb Əmirliklərinin Dubay şəhərindəki dünya çempionatında bürünc medal qazanıb.
Sportarena.az xəbər verir ki, 84 kq-dan yuxarı çəkidə yer alan idmançı 3-cü yer uğrunda görüşdə Rodriqo Roxasa (Çili) 5:2 hesabı ilə qalib gəlib.
Qeyd edək ki, bu gün Azərbaycanın qadın karateçisi İrina Zaretska (68 kq) qızıl, kumite üzrə kişilərdən ibarət yığma isə bürünc medal uğrunda yarışacaq.