Çempionlar Liqasına Avstriyada hazırlaşan "Qarabağ" iki yoxlama matçı keçirib.
Qurban Qurbanovun komandası günün ikinci oyununda Rumıniyanın yüksək liqa təmsilçisi “Universitatya Krayova” ilə qarşılaşıb. Görüş 1:1 hesablı heç-heçə ilə başa çatıb.
Ağdam klubu günün ilk oyununda Almaniyanın 2-ci Bundesliqa təmsilçisi "Holştayn Kiel"lə üz-üzə gəlib. Oyunun ilk hissəsində Ağdam təmsilçisi Ramil Şeydayevin qolları ilə hesabda öndə olub. Fasilədən sonra rəqib iki qol vuraraq hesabı bərabərləşdirib. Matç 2:2 hesabı ilə yekunlaşıb.
Qeyd edək ki, Ağdam klubu ilk yoxlama oyununda "Botoşani"ni (Rumıniya) 4 cavabsız qolla məğlub edib.