Türkiyənin "Fənərbaxça" klubunun heyətində ciddi itki baş verib.
Sportarena.az xəbər verir ki, "sarı-lacivərtlilər"in futbolçusu İsmail Yüksek sıradan çıxıb. Bu barədə klubun mətbuat xidməti məlumat yayıb.
24 yaşlı yarımmüdafiəçi Super Liqanın 32-ci turunun "Sivasspor"la matçında (3:1) zədələnib. Əzələsində yırtıq aşkarlanan futbolçunun müalicəsinə başlanılıb. Onun yaşıl meydanlara qayıdacağı tarix açıqlanmayıb.
Qeyd edək ki, İsmail Yüksek cari mövsümdə "Fənərbaxça"nın heyətində meydana çıxdığı 26 rəsmi matçda 1 qol və 1 məhsuldar ötürmə ilə yadda qalıb.