Azərbaycan Premyer Liqasında III dövrəyə uğursuz start götürən “Neftçi” vitse-kapitanına qovuşub.
Sportarena.az xəbər veriri ki, paytaxt klubunun yarımmüdafiəçisi Mirhüseyn Seyidov zədəsini sağaldıb.
Zədə ucbatından həm AZAL (1:2), həm də “Simurq”la (0:0) oyunu buraxan 23 yaşlı futbolçu artıq komandaya qoşulub. İki gündü kollektivlə birgə məşq edən gənclər millimizin sabiq üzvü “Xəzər Lənkəran”la sabahkı qarşılaşmada məşqçilər korpusunun ixtiyarında olacaq.
Qeyd edək ki, “Neftçi” – “Xəzər Lənkəran” oyunu sabah “Bakcell Arena”da keçiriləcək və saat 16:00-da başlayacaq.