Fransa Futbol Federasiyası milli komandanın baş məşqçisi ilə müqavilənin müddətini artırıb.
Sportarena.az xəbər verir ki, Didye Deşam 2018-ci ilədək yığmanın "sükanı arxasında" olacaq.
Federasiya prezidenti Noel Qraet bu gün keçirilən mətbuat konfransında sözləşmənin müddətini uzatmalarının səbəbini açıqlayıb: "Stabillik önəmlidir. Didye Deşam Rusiyada keçiriləcək DÇ-2018-ə qədər millidə qalacaq. hamımız ona inanırıq".
Xatırladaq ki, Deşam 2012-ci ilin yayında Loran Blanın yerinə təyin edilib.