Son günlər maliyyə böhranı keçirən, hətta müflis olma həddinə çatan "Parma"ya daha bir zərbə İtaliya hökumətindən gəlib.
Sportarena.az xəbər verir ki, dövlət nümayəndələri "sarı-göylər"in borclarına görə klubun ev oyunlarını keçirdiyi "Ennio Tardini" stadionunun əmlakını siyahıya alıb. Artıq arenanın paltardəyişmə otağının oturacaqları və dolabları müsadirə olunub. Klubun düşdüyü ağır maliyyə böhranıyla bağlı A seriyasının rəhbərliyi fevralın 28-də dinləmələrə başlayacaq. "Parma"nın liqadakı taleyinə martın 19-da aydınlıq gələcək.