Futbol üzrə Portuqaliya çempionatının 2-ci liqasında çıxış edən Amit Quluzadənin Sportarena.az saytına müsahibəsi:
- Necə oldu ki, Portuqaliya klubuna keçdiz?
– Mənə menecerimdən təklif gəldi. Fikirləşdim ki, şansımı xaricdə sınaya bilərəm və beləcə buraya gəldim.
- Əsas heyətə düşməkdə çətinlik çəkirsiz. Bu daha çox nə ilə bağlıdır?
– Heyətə niyə düşə bilmədiyimi özüm də bilmirəm. Bu mənə də maraqldır. Meydanda olanda heç də pis təsir bağışlamıram. Amma, nədənsə belə olur.
- Prosineçkinin gəlişindən sonra milliyə dəvət olunacağınızı gözləyirsizmi?
– Əlbəttə ki, gözləyirəm. Özümü oynamaq üçün hazır hiss edirəm. Millidə oynamaq sevindirici olar.
- Formanızı itirməmək üçün yenidən Azərbaycan çempionatına qayıtmaq ağlınızdan keçirmi?
– Düzü, bu barədə fikirləşməmişəm. Nə olacağını bilmirəm sözün düzü.
- Milli komandada milliləşdirilmiş futbolçular həddən artıq çoxdur...
– Əsas məsələ odur ki, yaxşı oyunçu olsun. Belə olanda onun milliyətinin əhəmiyyəti yoxdur.
- Yaşadığınız yerlə ölkəmiz arasında hansı fərqlər var?
– Artıq buraya öyrəşmişəm. Mənim üçün narahatçılıq yoxdur. Özümü sərbəst hiss edirəm. Burada və Azərbaycandakı mentalitet arasındakı fərqlər böyükdür.
Rahim Şaliyev