Bolqarıstanın "Botev" komandasında çıxış edən Marian Oqnyanov Azərbaycan çempionatında çıxış edə bilər.
Sportarena.az xəbər verir ki, bu barədə Bolqarıstan mətbuatı məlumat yayıb. Bildirilir ki, azərbaycanlı menecerlər Oqnyanovu Sofiya ÇSKA-sı ilə oyunda izləməyə imkan tapıblar. 26 yaşlı xavbekin "Botev"lə müqaviləsinin müddəti mövsümün sonunda başa çatacaq. Belədə azad agentə çevriləcək futbolçu istədiyi kluba keçmək şansına malik olacaq.
Bolqarıstan mətbuatı daha öncə Oqnyanovla "Qarabağ"ın maraqlandığını yazmışdı.