Gəncədə fəaliyyət göstərən "Gənc qapıçılar" klubunun bu gün 1 yaşı tamam olur. Cəmi bir ildir fəaliyyətə başlamasına baxmayaraq, futbol adamlarının da diqqətini özünə cəlb etməyi bacaran klubda istedadlı futbolçular yetişir.
Daha öncədə xəbər verdiyimiz kimi, "Gənc qapıçılar" klubunda məşğələləri Xəyal Zeynalov və Tariyel Hüseynov aparır. Təhsil Respublika İdman Mərkəzinin Gəncə Filialının məşqçi müəllimləri təlimdə yeniyetmələrə futbolun sirlərini öyrətməklə gələcəkdə millimizin də şərəfini qorumağı qarşılarına məqsəd qoymağı tapşırırlar.