Dünya Boks Assosiasiyası (WBA) versiyası üzrə keçmiş dünya çempionu Endryu Lyuis yol nəqliyyat hadisəsi nəticəsində həyatını itirib.
SportArena.az xəbər verir ki, hadisə boksçunun vətəni olan Qayanada baş verib. 44 yaşlı idmançı velosiped sürərkən onu maşın vurub. Endryu Lyuis dərhal xəstəxanaya çatdırılsa da, həkimlər onun həyatını xilas edə bilməyiblər.
Qeyd edək ki, Endryu Lyuis boks üzrə Qayanadan olan ilk dünya çempionudur. O, 2001-ci ildə amerikalı boksçu Ceyms Peyc üzərində qazandığı qələbə sayəsində bu titulu əldə etmişdi.