"Hər şey televiziya yayımına hesablanıb. Amma bununla barışmalıyıq, çünki futbol biznesdi. Bizim istirahət üçün az imkanımızın olması rəqibin üstünlüyünü artırır".
Sportarena.az xəbər verir ki, bu fikirləri "Tottenhem"in baş məşqçisi Mourisio Poççetino Böyük Britaniya mətbuatına açıqlamasında bildirib. Argentinalı mütəxəssis komandasının sıx qrafiklə oynamasından şikayətlənib:
"Qarabağ"la oyun üçün bizi Bakıya 6 saatlıq səfər gözləyir. Azərbaycanı oyundan dərhal sonra tərk etməliyik, yoxsa səhər İngiltərəyə qayıtmalıyıq - bununla bağlı qərar qəbul etməliyik. Qərar vermək çox çətindi, hər ikisi pis variantdı. Ola bilər ki, matç başa çatan kimi qayıdaq və cümə günü futbolçulara istirahət verək".
Qeyd edək ki, "Qarabağ" - "Tottenhem" matçı noyabrın 26-da saat 22:00-da Tofiq Bəhramov adına Respublika Stadionunda baş tutacaq.