"Qəbələ"nin futbolçusu Ruslan Abışovun Almaniyada müalicə si yekunlaşıb. 29 yaslı müdafiə çi belində ki ağrılar üzündə n komandanın Antalyadakı toplanışının ilk günlə rində düşə rgə ni tə rk etmə li olub.
Sportarena.az xəbər verir ki, müalicə məqsədi ilə Münhenə yollanan Ruslan son durumu haqda məlumat verib: “Onurğa sütunumda 3 yırtıq var. Ağrılar dizimə verirdi. Buna görə müalicə olunmağım qaçılmaz idi. Artıq 2 həftədir Münhendə bərpa prosesi keçirəm. Müalicəm yaxşı gedir. Yanvarın sonunda Bakıya qayıdıb təkrar müayinə olunacağam. Cavablar yaxşı olsa, maksimum 1 həftəyə komandanın hazırlığına qoşulacağam. Bu, ilk növbədə fiziki durumumla bağlı olacaq”.
Abışov komanda ilə qış hazırlığını keçə biməməsinin ona ciddi problem yaratmayacağına ümid edir: “Doğrudur, çox istəyirdim Antalya toplanışında iştirak edim. Ancaq zədəylə bağlı hazırlıqdan kənarda qalmalı oldum. Ağrısız futbol oynamaq üçün çox darıxmışam. Bu zədə məndə çoxdan var idi və oyunuma pis təsir edirdi. Artıq tam sağalıb komandama kömək etmək istəyirəm”. ("Qəbələ" İK qəzeti)