"Beşiktaş"dan Çinin "Hebey Çin Fortuna" klubuna transfer olan Ərsan Gülüm debüt matçında uğursuzluqla üzləşib.
Sportarena.az xəbər verir ki, ilk oyununu "Quandjou" klubuna qarşı keçirən türk futbolçu debüt matçında 2 qola imza atıb. Lakin futbolçu bu qollardan birini öz qapısına vurub.
Belə ki, matçın 11-ci dəqiqəsində rəqibin cərimə zərbəsindən vurduğu topu Gülüm səhvən öz qapısına göndərib. Bundan sonra həvəsdən düşməyən futbolçu matçın 28-ci dəqiqəsində topu rəqib qapısından keçirərək hesabı 1:1 edib.
Qeyd edək ki, matç "Hebey Çin Fortuna"nın 2:1 hesablı qələbəsi ilə başa çatıb.