.jpg)
Futzal üzrə Azərbaycan milli komandası tarixində ilk dəfə dünya çempionatının final mərhələsinə vəsiqə qazanıb.
Turnirin play-off mərhələsinin cavab oyunları çərçivəsində futzalçılarımız Bakı İdman Sarayında Hollandiya millisi ilə qarşılaşıb. Oyun 4:4 hesabı ilə başa çatıb. Martın 22-də bu komandalar arasında Hollandiyanın Almere şəhərində keçirilmiş oyun 5:1 hesabı ilə millimizin xeyrinə başa çatdığı üçün cavab görüşündəki heç-heçə komandamızın növbəti mərhələyə vəsiqə qazanmasını rəsmiləşdirib.
Qeyd edək ki, dünya çempionatı bu il sentyabrın 14-dən oktyabrın 2-dək Kolumbiyada keçiriləcək.