Olimpiya Oyunlarının kişi idman gimnastikası üzrə yarışlarında ölkəmiz iki gimnastla təmsil olunacaq.
Sportarena.az xəbər verir ki, bu Braziliyanın Rio-de-Janeyro şəhərində keçirilən Test Turnirində Petro Paxnyukun nümayiş etdirdiyi yarış əzminin sayəsində mümkün olub.
Altı alət üzərində çıxışların cəmində 85.257 xal toplayan Petro, Olimpiya Oyunlarının gələcək iştirakçılarının siyahısında yer alıb.
Bu artıq gimnastlarımız tərəfindən Rio-2016 Oyunlarına qazanılan 3-cü Olimpiya lisenziyasıdır.
Xatırladaq ki, Petronun komanda yoldaşı Oleg Stepko, Qlazqoda keçirilən ötən ilin Dünya Çempionatında 3-cü yerə layiq görülərək, planı vaxtından əvvəl yerinə yetirməklə ilk təsnifat turnirində lisenziya qazanmışdı. Daha bir lisenziyani Ştutqartda keçirilən bədii gimnastika üzrə Dünya Çempionatının çoxnövçülüyündə 6-cı yerdə qərarlaşaraq, gimnast Marina Durunda əldə etmişdir.