Türkiyə Futbol Federasiyası (TFF) təxirə salınan "Trabzonspor" - "Fənərbaxça" matçı ilə bağlı yekun qərarını verib.
Sportarena.az xəbər verir ki, aprel ayının 24-ü oynanılan matç təxirə salınmışdı. Buna matçın 88-ci dəqiqəsində "Trabzonspor" klubunun azarkeşləri yan xətt hakimini döyməsi səbəb olmuşdu.
"Fənərbaxça"nın 4:0 hesabı ilə irəlidə olduğu matçı baş hakim Bülənt Yıldırım təxirə salmışdı.
Bu gün TFF-nın iclasında "Fənərbaxça" klubunun 4:0 hesablı qələbəsi təsdiq olunub.
Bu qələbə ilə "Fənərbaxça" 30 turdan sonra xalını 67-ə yüksəldərək, turnir cədvəlinin 2-ci pilləsində qərarlaşıb. Turnir cədvəlinin lideri isə 70 xalla "Beşiktaş" klubudur.