Karateçilərimiz beynəlxalq turnirdə 7 medal qazandı

Sportarena.az      8 Avqust 2018, 18:11

Karateçilərimiz Ərzurumda 13-cü “Palandökən” beynəlxalq turnirində uğurla çıxış ediblər.

Əsasən aşağı yaş qruplarında yarışa qatılan milli komandamızın üzvləri iki qızıl, bir gümüş və dörd bürünc medala sahib olublar.

Yeniyetmə və gənclərdən ibarət seçmə komandanın üzvlərindən Fəridə Əliyeva (21 yaşadək gənclər, 68 kq-dan yuxarı) və İsmayıl Quliyev (55 kq) çempion olublar. Roman Heydərov (gənclər və böyüklər milli komandası, kata) turnirin gümüş medalına, Asya Məlikova (21 yaşadək gənclər seçmə komandası, 50 kq) və Murad Hacızadə (16-17 yaşlı gənclər, 76 kq-dan yuxarı) isə bürünc mükafata sahib çıxıblar.

14-15 yaşlıların komanda kata yarışlarında Ceyhun İsmayılov, Ayxan Novruzov və Səbuhi Quluzadə üçüncü yeri tutublar. Ceyhun İsmayılov, həmçinin fərdi kata yarışlarında bürünc mükafat qazanıb.

Beynəlxalq dərəcəli hakimlər Cahangir Babayev və Vüqar Kərimov yarışı idarə edənlər arasında olublar.

Milli komandadan əlavə “Qaraqapan”, MKM, “Dostluq” və “Arpaçay” klublarının idmançıları da Ərzurumda beynəlxalq turnirdən müxtəlif mükafatlarla dönürlər.

“Palandökən” beynəlxalq karate turnirində 30 ölkədən 2 mindən artıq idmançı çıxış edib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin