17 yaşadək futbolçulardan ibarət Azərbaycan yığmasının Qazaxıstanın Şımkent şəhərində təşkil olunan “Prezident kuboku” turnirində qarşılaşacağı sonuncu rəqibi müəyyənləşib.
Sportarena.az-ın AFFA-nın saytına istinadən yaydığı xəbərə görə, B qrupunda 3-cü yeri tutan yığmamız A qrupunda müvafiq pillədə qərarlaşan Qırğızıstan komandası ilə qarşılaşacaq.
5-ci yerin sahibini müəyyənləşdirəcək qarşılaşma avqustun 12-də, Bakı vaxtı ilə saat 08:00-da başlayacaq.