21 yaşlılardan ibarət yığma komandamızın baş məşqçisi Yaşar Vahabzadə AÇ-2017-nin seçmə mərhələsində Bakıda Farer adaları ilə keçirilən oyundan (1:1) sonra mətbuat konfransı keçirib
- Əvvəlcədən bilirdik ki, rəqib əks-hücumda oynayacaq. Əsas təhlükə top bizdə olanda yarana bilərdi. Qorxduğumuz da başımıza gəldi. Rəqib fərqlənənədək epizodlarımız oldu. Qapımızda top gördükdən sonra uşaqlar əzmkarlıq göstərdi və bərabərlik qolunu vurduq.
- İstefa barədə düşünmürsünüz?
- Xeyr, növbəti oyuna hazırlaşırıq.
- Budaq Nəsirova şans verməməyiniz nə ilə bağlıdı?
- Oyun təcrübəsi yoxdu.
- Bəs, Elnur Cəfərovun təcrübəsi var idi?
- Xeyr, Elnura dəstək olmalıyıq. Ancaq oyun göstərdi ki, Cəfərov məşqdə özünü yaxşı tərəfdən göstərsə də, oyun təcrübəsinin yoxluğu özünü büruzə verdi.
- Yəni, etiraf edirsiniz ki, Elnuru start heyətində buraxmaqla səhvə yol vermişdiniz?
- Xeyr. Axı, o, məşqdə özünü yaxşı tərəfdən göstərmişdi.
- Rəqib komandanın baş məşqçisi cəmi 30 minlik əhalidən yığma formalışdırmalı olduğunu qabartdı. Sizin sərəncamınızda isə oynayan futbolçular var idi. Uğursuzluqda günahkar futbolçulardı, yoxsa baş məşqçi?
- Bu, futboldu. Oyunçuların əzmkarlığını yerə vura bilmərik. Bu, biabırçılıq deyil.(futbol11.az)