"Real " klubunun məşhur futbolçusu Kriştiano Ronaldo 150 milyon avro məbləğində vergidən yayınmaqda təqsirli bilinir.
Sportarena.az xəbər verir ki, 2009-14-cü illərdə portuqaliyalı futbolçu Vircin adalarındakı "Tollin" firması və İsveçrədəki ofşor hesabları vasitəsilə 74,8 milyon avro ələ keçirib. Ümumiyyətlə, son 12 ildə futbolçunun ofşor zonalar və ya şirkətlər hesabına 4% (5,6 milyon) vergi ödəməklə 150 milyon avro pul qazanıb.
Qeyd edək ki, bir müddət öncə "Barselona"nın futbolçusu Lionel Messinin də Panamada sahibi olduğu ofşor hesabları üzə çıxmışdı.