Xərçəng xəstəliyinə qalib gələn futbolçu məşqlərə başladı

Sportarena.az      3 Yanvar 2018, 21:04

8 ay öncə xərçəng xəstəliyinə tutulduğu aşkarlanan "Ayntraxt"ın futbolçusu Marko Russ məşqlərə başlayıb.


Sportarena.az xəbər verir ki, qış fasiləsinə yollandıqdan sonra hazırlıqlara başlayan Bundesliqa klubu bu gün növbəti məşqinə çıxıb. Təqribən 1.5 saat davam edən məşqdə Marko Russ da iştirak edib. Komandanın baş məşqçisi Niko Kovaç bu barədə verdiyi açıqlamada futbolçunun geri dönməsi üçün sevindiyini bildirib. O, komandanın Abu Dabidəki toplanışına da aparılacağını qeyd edib.

 

Xatırladaq ki, Almaniya Futbol Federasiyasının Dopinqlə Mübarizə Komitəsi tərəfindən aparılan testlərdən sonra aprel ayına 30-da futbolçuda xərçəng xəstəliyi aşkarlanmışdı. Buna baxmayaraq, təcrübəli futbolçu "Ayntraxt"la "Nürnberq" arasında keçirilən pley-off matçında forma geyinmiş, daha sonra müalicələrinə başlamışdır.


Qeyd edək ki, futbolçuda "xərçəng" aşkarlandıqdan sonra komanda onunla olan müqaviləni 2019-cu ilədək uzatmışdı.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin