İspaniya Peşəkar Futbol Liqası (LFP) gözlənilməz qərar qəbul edib.
Sportarena.az xəbər verir ki, qurum yeni mövsümdən etibarən La Liqanın oyunları zamanı video təkrarlardan istifadə etmək istəyir. Bu barədə LFP-nin prezidenti Xavyer Tebas İspaniya mətbuatına məlumat verib.
Onun sözlərinə görə, FİFA video təkrar texnologiyasını təsdiqləyərsə, 2017-ci ilin iyulundan sözügedən sistem çempionat oyunlarında tətbiq olunacaq.
Qeyd edək ki, La liqanın son turu çərçivəsində keçirilən "Betis” - “Barselona” matçının (1:1) ikinci hissəsində qonaqların hücumu zamanı müdafiəçi topu qapı xəttini keçdikdən sonra qaytarsa da, baş hakim epizodu görməmişdi.