“Kəpəz” bir müddət komandanın heyətində baxışda olmuş Əli Nurini sıralarına qatıb.
Sportarena.az xəbər verir ki, yarımmüdafiəçi mövqeyində oynayan Nurinin 21 yaşı var. O, Gəncə klubunda 68 nömrəli formada çıxış edəcək. Əli “Zirə” və “Kəpəz”in əvəzedici komandaları arasında keçirilən oyunda “sarı-göylər”in heyətində debüt edib. Futbolçu əsas komandaların matçında isə “18-lik”də yer alıb.
Nizami yurdunun təmsilçisiylə mövsümün sonuna kimi müqavilə bağlayan Əli Nuri komandaya keçidi ilə bağlı klubun saytına açıqlama verib:
“Kəpəz” ailəsinin bir üzvü olduğu üçün sevinirəm. Böyük tarixi olan kluba keçmişəm. Mənə etimad göstərən, inanaraq komandaya cəlb edən baş məşqçimizin ümidlərini doğrultmağa çalışacam. Məqsədim “Kəpəz”in uğur qazanmasına yardımçı olmaqdı. Komandamızın böyük azarkeş ordusu var, onların sevgisini qazanmaq istəyirəm”.
Nuri 21 yaşadək futbolçulardan ibarət Azərbaycan yığmasına da dəvət alıb.