Azərbaycan Premyer Liqasının 18-ci turunda "Neftçi" evdə "Sumqayıt"ı 1:0 hesabıyla məğlub etdi.
Sportarena.az xəbər verir ki, oyundan sonra "ağ-qaralar"ın yeganə qolunun müəllifi Huqo Barqas və yarımmüdafiəçi Zdenek Folprext klubun saytına fikirlərini bildiriblər:
Huqo Barqas: "Qar yağdığı üçün meydançada oynamaq, ona uyğunlaşmaq çətin idi. Bununla belə, çox şadam ki, meydana əvəzetmə ilə daxil olub həlledici qolu vura bildim. Bu gün 3 xal qazanmaq psixoloji cəhətdən çox vacib idi”.
Zdenek Folprext: "Bu qələbədən sonra, demək olar, uğursuzluq zolağından çıxdıq. Artıq biz hər bir komanda üçün təhlükəli rəqib olacağıq. Fikrimcə, çox yaxşı komandamız var. Rəqibə gəlincə, "Sumqayıt”ın qapıçısı bu gün möhtəşəm oyun göstərdi”.