“Kəpəz” Azərbaycan Premyer Liqasının 20-ci turunda öz meydanında “Qəbələ”ylə heç-heçə edib (1:1).
Sportarena.az xəbər verir ki, oyundan sonra keçirilən mətbuat konfransında “Kəpəz”in baş məşqçisi Şahin Diniyev matçla bağlı fikirlərini bildirib:
“Artıq komandamız əvvəlki günlərini qaytarmaq üzrədi. Bir müddət komandamızın oyununda eniş olsa da, son iki oyunda futbolçularım özlərini yaxşı tərəfdən göstərməyi bacarıblar”.
Matçın 38-ci dəqiqəsində “Kəpəz”in futbolçusu Nicat Qurbanov “Qəbələ”nin gürcü legioneri Nika Kvekveskirini silləylə vurub və qırmızı vərəqəylə cəzalanıb. Diniyev həmin epizod haqda da danışıb:
“Fasilə ərəfəsində Nicata yaxınlaşdım. O, uşaq kimi ağlayırdı. Əlbəttə, böyük səhv edib. Amma bir səhvə görə futbolçunu siyahıdan silmək olmaz. Onunla söhbətimiz olacaq".