İspaniya Futbol Federasiyası “Real”ın futbolçusu Naçonun cəzasını ləğv edib.
Sportarena.az xəbər verir ki, Apelyasiya Komitəsi Madrid klubunun şikayətinə baxdıqdan sonra bu qərarı verib. "Real”ın müdafiəçisi La Liqanın son turunda “Sevilya” ilə oyunda (4:1) sarı vərəqə alaraq cəzalı duruma düşmüşdü. Nizam-intizam komitəsi epizodun təkrarına baxdıqdan sonra futbolçunun sarı vərəqəsini ləğv edib.
Artıq Naçonun adı La Liqanın 21-ci turundan təxirə salınmış “Selta” ilə oyunun iştirak ərizəsinə daxil edilib.