Fransa 1-ci Liqasının 6-cı turunda “Lion”la qarşılaşmda penalti zərbəsinə görə komanda yoldaşı Edinson Kavani ilə mübahisə edən Neymar üzr istəyib.
Sportarena.az “Ekip” nəşrinə istinadən xəbər verir ki, braziliyalı hücumçu PSJ-nin ötən gün baş tutan məşqindən qabaq komanda yoldaşlarını yanına çağırıb. Sözügedən matçdan sonra paltardəyişmə otağında da davam edən mübahisəyə görə peşman olduğunu bildirib və Kavanidən üzr istəyib.
PSJ-nin çalışıdırıcısı Emeri isə açıqlamasında hadisənin mətbuat tərəfindən şişirdildiyini bildirib:
“Neymarla Kavani arasında yaşanan hadisələr mətbuat tərəfindən çox böyüdülür. Bu mübahisənin komandadakı müsbət atmosferə təsir etməyib. Bununla belə, hər iki futbolçu cəzalandırlacaq ki, belə hal bir daha təkrarlanmasın”.