“Qəbələ”nin öz meydanındakı məğlubiyyətsiz oyunlar seriyası qırılıb. “Qırmızı-qaralar” Topaz Premyer Liqasının 7-ci turunun “Kəpəz”lə ev matçında 0:2 hesabı ilə uduzub.
Sportarena.az xəbər verir ki, əyalət klubu bunadək son 21 çempionat oyununda qonaqlara yenilməmişdi.
“Qəbələ” “Kəpəz”ə qədər sonuncu ev məğlubiyyətini 2016-cı il martın 19-da “Qarabağ”dan alıb. 1:2 hesablı məğlubiyyətdən 559 gün sonra uduzan Roman Qriqorçukun yetirmələri 2015/16 mövsümünün son 4, cari mövsümün isə ilk ev oyununda xalsız qalmayıb. 2016/17 mövsümündə isə heç bir komanda Qəbələdən qalib dönməyib. Bu 21 matçda 15 qələbə qazanan “qırmızı-qaralar” 6 heç-heçə edib.