Bu gün UEFA Gənclər Liqasında növbəti oyunlar keçiriləcək.
Sportarena.az xəbər verir ki, “Qarabağ”ın U-19 komandası da bu gün növbəti oyununa çıxacaq. Ağdam təmsilçisinin gəncləri Madriddə “Atletiko”dan olan həmyaşıdları ilə üz-üzə gələcəklər.
Bu komandalar arasında keçirilmiş ilk oyun ispanların böyük hesablı qələbəsi ilə nəticələnnmişdi - 5:1. Ümumiyyətlə, “köhlən atlar” qrupda bundan öncə keçirdiyi oyunlarda səfərdə “Çelsi”yə 0:5, evdə isə “Roma”ya uduzmuşdu - 0:3.
Görüş Bakı vaxtıyla saat 18:00-da, Madrid yaxınlığında yerləşən Majadahondada keçiriləcək.
UEFA Gənclər Liqası
31 oktyabr
18:00 Atletiko (İspaniya) - Qarabağ (Azərbaycan) 0-1
Baş hakim: Stefan Klossner
Köməkçi hakimlər: Remi Zqraqqen, Efe Kurnazca (hamısı İsveçrə)
Dördüncü hakim: Valentin Qomes (İspaniya)
UEFA nümayəndəsi: Neyl Morro (Şinali İrlandiya)
Hakim-inspektor: Manuel Dias Veqa (İspaniya)
İspaniya. Majadahonda