"Real" rəhbərliyi növbəti yay heyətə ulduz bir futbolçu transfer etməyi planlaşdırır.
Sportarena.az "As" nəşrinə istinadən xəbər verir ki, bu məqsədlə 200 milyon avro ayrılacaq. Ehtimal olunur ki, səs-küylü transfer Neymardır.
Onun transferi məvacib də nəzərə alınmaqla, "Real"a 450 milyon avroya başa gələ bilər. PSJ qiymətdə endirimə getməsə, bu məsələ 2019-cu ilin yayına kimi təxirə salınacaq.
"Real" gənc futbolçuları da izləməkdə davam edir. Onların arasında "Athletic"in qapıçısı Kepa Arrisbalaqa əsas yer tutur.
Eyni zamanda, Madrid klubu yanvarda açıqlacaq qış transfer pəncərəsində fəallığı ilə seçilməyəcək.