"Qarabağ"ın futbolçusu Ramil Şeydayev ilə "Neftçi"nin yarımmüdafiəçisi Emin Mahmudov arasında maraqlı hadisə yaşanıb.
Sportarena.az xəbər verir ki, Ağdam klubunun hücumçusu AFFA-nın "Tirə zərbə" layihəsində 10 vuruşdan 6-da dəqiq olan Mahmudova "ilişib". Şeydayev "Facebook" səhifəsindəki paylaşımında "Emin vurubsa, mən ən azı 8-ni vuraram" yazıb.
"Neftçi"nin futbolçusunun cavabı gecikməyib. Emin "Ay Ramil qardaş, 10-dan 8-ni topa vura bilərsən, amma tirə yox" deyə yazıb.
Milli komandanın üzvləri arasındakı bu söz atışması izləyiciləri tərəfindən böyük maraqla qarşılanıb.
Qeyd edək ki, AFFA-nın "Tirə zərbə" layihəsində rekord Emin Mahmudova məxsusdur. O, 6 dəfə tiri nişan ala bilib.
