“Real”ın müdafiəçisi Serxio Ramos “Atletik”lə keçirilən qarşılaşmada da (0:0) diqqət mərkəzində olub.
Sportarena.az xəbər verir ki, Ramos bu oyunun son dəqiqələrində qırmızı vərəqə alaraq, meydandan qovulub. Bu, Ramosun karyerası ərzində aldığı 19-cu qırmızı vərəqə olub.
O, bu göstəricidə İspaniya La Liqasının antirekordçusuna çevrilib. Ramos karyeralarını bitirmiş Pablo Alfaro ilə Xavi Aquadonu geridə qoyub.
Bu futbolçular karyeraları ərzində 18 dəfə meydandan qovulublar.