“Qəbələ” Divizion klubu ilə bacarmadı

Sportarena.az      15 Yanvar 2018, 10:33

“Qəbələ”nin əvəzedicilərdən ibarət komandası 2017/18 mövsümünün ikinci hissəsinə hazırlığını davam etdirir.

 

Sportarena.az xəbər verir ki, məşqlərini Qəbələ şəhər stadionunda gerçəkləşdirən Emin İmaməliyevin baş məşqçisi olduğu komanda ilk yoxlama oyununu keçirib. “Qırmızı-qaralar” ilin ilk sınağında Birinci Divizionda çıxış edən “Ağsu” ilə üz-üzə gəliblər. Qarşılaşma Qəbələ şəhər stadionunda baş tutub. Əvəzedicilər bu görüşdə 1:2 hesabı ilə məğlub olublar.

 

“Qəbələ”nin əvəzedicilərinin yoxlama oyunlarındakı növbəti rəqibləri də dəqiqləşib. Yanvarın 18-də Bakıya yollanacaq komanda paytaxtda keçirəcəyi 4 günlük hazırlıq çərçivəsində 2 matça çıxacaq. “Qırmızı-qaralar” ayın 19-da “Şüvəlan”la, 3 gün sonra isə “Keşlə”nin əvəzedici komandası ilə görüşəcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin