“Bavariya”nın və İspaniya millisinin sabiq üzvü Xabi Alonsonun rəsmi “instaqram” hesabı xakerlərin hücumuna məruz qalıb.
Sportarena.az xəbər verir ki, bu barədə məlumatı Türkiyə mətbuatı yayıb. Alonsonun 4 milyon təqibçisi olan səhifəsi türkiyəli xakerlərin hücumuna məruz qalıb. Xakerlər keçmiş futbolçunun paylaşımlarının altında “Real”la müqaviləmi ləğv edib, “Fənərbaxça”ya keçəcəm, çünki Afrində türk əsgərinə dəstək olmaq istəyirəm” yazıblar.
Daha sonra isə “Hesabınız türk siber ordusu “Ay-ulduz Tim” tərəfindən ələ keçirilib. Bütün məlumatlarınıza çıxış əldə etmişik. Başda vətənə, millətə qəhrəman övladlar yetişdirən, cənnət ayaqlarının altında olan şəhid və qazilərimiz olmaqla, bütün türk qadınlarının 8 mart beynəlxalq qadınlar bayramı mübarəkdi” sözləri qeyd edilib.
