Ötən turda “Qəbələ” ilə qarşılaşan “Sumqayıt” bir günlük istirahətin ardından məşqləri bərpa edib.
Sportarena.az xəbər verir ki, komanda dünən saat 16:00-da doğma stadionunda məşqə çıxıb. Məşqin ilk hissəsində yüngül qaçış və toplu çalışmalara üstünlük verilib. Hazırlığa fitness zalında yekun vurulub. Növbəti məşqi bu gün saat 15:30-da başlayacaq.
Qeyd edək ki, “Neftçi” – “Sumqayıt” qarşılaşması 8 aprel, saat 18:30-da 8-cu km stadionunda keçiriləcək. Matç “CBC Sport” telekanalı vasitəsilə canlı yayımlanacaq.