Alesio: "Nə istəyirdiksə, onu da əldə etdik"

Sportarena.az      8 Aprel 2018, 14:43

Bu gün Bakıda Türk Şurası Universitet İdman Oyunları çərçivəsində futzal üzrə Azərbaycan və Türkiyə yığma komandaları qarşılaşıb.

 

Sportarena.az xəbər verir ki, Azərbaycan Texniki Universitetin idman zalında keçirilən qarşılaşma futzalçılarımızın böyük hesablı qələbəsiylə nəticələnib – 9:2.  Matçdan sonra komandaların baş məşqçiləri oyunla bağlı fikirlərini bölüşüblər:

 

Joze Alesio da Silva (Azərbaycan yığmasının baş məşqçisi): “Qısa vaxt ərzində bir yerdə məşq etməyimizə baxmayaraq, turnirə yaxşı hazırlaşmışdıq. Uşaqlar çox istəkli idilər və sona qədər mübarizə apardılar, oyun intizamından qopmadılar. Nə istəyirdiksə, onu da əldə etdik. Uşaqlar yaxşı oyun nümayiş etdirdilər. Bu matç göstərdi ki, Azərbaycanda gənc, istedadlı uşaqlar var. Sadəcə, onlarla çox işləmək, onlara diqqət göstərmək lazımdı. Qısa vaxt ərzində komanda bu cür oyun nümayiş etdirəcək səviyyəyə çatıbsa, deməli, onlarla işləri davam etdirmək lazımdı ki, gənclərdə inkişaf olsun”.

 

Yücel Ocak (Türkiyə yığmasının baş məşqçisi): “Hər zaman deyirik, bir millət iki dövlətik. Türk dünyasını bir araya gətirmək, ölkəmizi burada təmsil etmək çox gözəldi. Bizim üçün yaxşı oyun oldu. Heyətimizi universitet tələbələrindən qurmuşuq. Türkiyədə 200-ə yaxın universitet var. Çalışdıq ki, bütün bölgələr bu komandada təmsil olunsun, Azərbaycanı tanısınlar, festivalda iştirak etsinlər. Erkən qollar buraxdıq. Bundan sonra oyun sistemimiz pozuldu. Azərbaycan yığması daha dəyərli, güclü bir komandadı. Qələbə münasibəti ilə təbrik, təşkilatçılıqda əməyi keçən hər kəsə təşəkkür edirik”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin