"Qəbələ" Topaz Premyer Liqanın 25-ci turunda bu gün “Kəpəz”lə qarşılaşacaq.
Sportarena.az xəbər verir ki, Qəbələ şəhər stadionunda keçiriləcək görüş rəqiblər arasında 20-ci duel olacaq. Yalnız Premyer Liqa çərçivəsində üz-üzə gələn komandalar yubiley matçındadək 19 dəfə görüşüb. İlk dəfə 2011/12 mövsümündə qarşılaşan rəqiblərin əvvəlki duellərində “Qəbələ” daha çox – 8 qələbə qazanıb. 5 dəfə heç-heçə edən "qırmızı-ıqaralar" 6 matçdan xalsız ayrılıb. Top fərqində də üstünlük “Qəbələ”nin tərəfindədir - 22:17.