"Atletiko" "Barselona"ya keçidi gündəmdə olan Antuan Qrizmannı buraxmaq istəmir.
Sportarena.az xəbər verir ki, bu barədə məlumatı" Marca" nəşri yayıb. Fransalı yarımmüdafiəçinin Kataloniya klubuna getməməsi üçün rəhbərlik ona yeni müqavilə təklif edib. Əgər Qrizmann "Atletiko"da qalmağa razılıq versə, yeni anlaşmaya əsasən, ildə 25 milyon avro qazanacaq. Ancaq futbolçunun hələlik təklifə cavab vermədiyi bildirilib.
Qeyd edək ki, hələ ötən ilin sonların "Barselona" ilə anlaşan futbolçunun 115 milyon avro qarşılığında yaxın müddətdə kataloniyalılara keçəcəyi söylənilir.