DÇ-2018-də növbəti rekord

13:17 28 İyun 2018

Rusiyadakı futbol üzrə dünya çempionatında avtoqol sayı üzrə mundiallar rekordu təzələnib.

 

Sportarena.az xəbər verir ki, yeni rekord iyunun 27-də F qrupunda keçirilmiş Meksika - İsveç matçında qeydə alınıb. Qarşılaşmanın 74-cü dəqiqəsində meksikalı müdafiəçi Edson Alvares topu öz qapısına göndərib. Bu, DÇ-2018-də 7-ci avtoqol olub. Beləliklə, 20 il əvvəl Fransada baş tutmuş dünya çempionatındakı rekord qüvvədən düşüb.

 

İsveçin 3:0 hesablı qələbə qazandığı görüşün ardından E qrupunda oynanılmış İsveçrə - Kosta-Rika matçı daha bir avtoqolla əlamətdar olub. 2:2 hesabı ilə yekunlaşan matçın uzatma dəqiqələrində penaltidən vurulan zərbə qapı tirinə tuş gəldikdən sonra isveçrəli qapıçı Yann Zommerə dəyərək, tora daxil olub. Beləliklə, DÇ-2018-də 44 oyunda 8 avtoqol gerçəkləşib.

 

Qeyd edək ki, dünya çempionatına iyulun 15-də yekun vurulacaq.

 


Digər xəbərlər

Xəbər xətti