Futbol üzrə Çempionlar Liqasında ilkin mərhələyə yekun vurulub.
Sportarena.az xəbər verir ki, bu mərhələ cəmi 3 oyundan ibarət idi. Öncə bir oyundan ibarət ilkin mərhələnin yarımfinal qarşılaşmaları keçirilmişdi. “Drita” (Kosovo) “Santa Koloma”ya (Andorra), “Linkoln” (Cəbəllütariq) isə “La Fiorita”ya (San Marino) eyni hesabla (2:0) qalib gəlməklə finala yüksəlmişdi. Ötən gecə “Drita” səfərdə “Linkoln”a qarşı baş tutan final matçında da 4:1 hesabıyla qalib gəlib. Nəticədə, Kosovo çempionu bu mərhələnin qalibi adını qazanıb.
ÇL-in 1-ci təsnifat mərhələsinə yeganə vəsiqəyə sahib çıxan “Drita” burda İsveçin “Malmö” klubuna rəqib olub.
“Linkoln” isə mübarizəni Avropa Liqasında davam etdirəcək. Bu komanda Avroliqanın 2-ci təsnifat mərhələsində “Şkendiya” (Makedoniya) - TNS (Uels) cütünün məğlubu ilə qarşılaşacaq.
Çempionlar Liqası, ilkin mərhələ, final
29 iyun
Linkoln (Cəbəllütariq) - Drita (Kosovo) 1:4