Ronaldo rəsmən “Yuventus”da!

Sportarena.az      10 İyul 2018, 21:37

 

Portuqaliya yığmasının ulduz futbolçusu Kristiano Ronaldonun uzun illərdi formasını geyindiyi Madrid “Real”ından ayrılığı rəsmiləşib.

 

Sportarena.az xəbər verir ki, bu barədə İspaniya nəhənginin rəsmi saytı məlumat yayıb. “Real” sözügedən oyunçunun “Yuventus”a keçmək arzusunda olduğu üçün ayrılmaq istədiyini və buna qarşı çıxmadıqlarını açıqlayıb. Lakin hələlik, İtaliya çempionu bu transferi rəsmi olaraq açıqlamayıb.

 

Transferin maddi detalları da açıqlanmır. Lakin İtaliya və İspaniya mətbuatı iki klubun 105 milyon avroluq təzminatla bağlı razılaşdığını iddia edir.

 

Qeyd edək ki, Portuqaliyanın “Sportinq” klubunun yetirməsi olan 33 yaşlı futbolçu “Real”a 2009-cu ildə İngiltərənin “Mançester Yunayted” klubundan transfer edilmişdi. O, ikinci pillədəki Rauldan 303 oyun az keçirməsinə baxmayaraq, Madrid təmsilçisinin heyətində çıxdığı 438 qarşılaşmada 451 qol vurmaqla bu klubun ən çox qola imza atan futbolçusudu.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin