"Neftçi”nin futbolçusu Ruslan Abışov əməliyyat olunub. Almaniyada baş tutan əməliyyat uğurlu keçib.
Sportarena.az xəbər verir ki, “ağ-qaralar”ın kapitanı bununla bağlı klubun rəsmi saytına açıqlama verib:
"Özümü yaxşı hiss edirəm. Əməliyyat normal keçdi. Hər şey qaydasındadır. Həkimin rəyinə görə, üç aydan sonra Almaniyada 4 həftəlik bərpa keçib, komanda ilə məşqlərə başlaya biləcəm. İnanıram ki, hər şey daha da yaxşı olacaq”.
Xatırladaq ki, Avropa Liqasının 1-ci təsnifat mərhələsində Macarıstanın "Uypeşt” klubu ilə cavab oyununda zədələnən Ruslan Abışovun sol dizində ön çarpaz bağ tam qopmuş, meniski cırılmışdı.