"Neftçi”nin ev oyunlarını keçirdiyi 8-ci km stadionunun öt örtüyünün dəyişdirilməsi prosesi yekunlaşmaq üzrədir.
Sportarena.az xəbər verir ki, bu prosesin avqustun 19-da baş tutacaq ilk ev matçınadək bitməsi nəzərdə tutulsa da, isti hava şəraiti buna imkan verməyib. Bununla belə, "Neftçi” bu mövsüm ikinci ev oyununu 8-ci km stadionunda keçirəcək. “Ağ-qaralar” sentyabrın 16-da "Keşlə”ni məhz bu stadionda qəbul edəcək.
Xatırladaq ki, avqustun 19-da "Dalğa Arena”da keçiriləcək "Neftçi” - "Qəbələ” oyunu saat 18:30-da başlayacaq.