Roberto Bordin: "Etdiyim hərəkətə görə peşmanam"

Sportarena.az      22 Sentyabr 2018, 22:44

 “Yaxşı rəqibə qarşı oynadıq, onlar da qələbə qazanmaq istəyirdilər. Qələbəyə görə komandamızı təbrik edirəm”.

 

Sportarena.az xəbər verir ki, bu sözləri “Neftçi”nin baş məşqçisi Roberto Bordin deyib. 

 

“Ağ-qaralar” Topaz Premyer Liqasının V turunda öz səfərdə “Zirə”yə qalib gəlib. 

 

Oyundan sonra baş tutan mətbuat konfransında iştirak edən italiyalı mütəxəssis fikirlərini bildirib: “Kifayət qədər yaxşı oynadıq və liderliyimizi möhkəmləndirdik. Rəqibə gəlincə, onlar sonuncu pilləyə layiq deyillər”.

 

- İlk hissənin son dəqiqələrində rəqibin baş məşqçisi ilə konfliktiniz oldu. Buna aydınlıq gətirin.

- Bunu konflikt kimi qeyd etməzdim. Sadəcə, bir-birimizi başa düşmədik. Hərəkətimizlə komandamızı pis vəziyyətə qoyduq. Bu hərəkətlərimə görə peşmanam.

 

- Mirabdulla Abbasov son zamanlar karyerasının zirvəsindədir. Onu milliyə layiq görürsünüz?

- Əlbəttə, hansısa futbolçumun milliyə dəvət alması sevindirici haldır. Mirabdulla yaxşı futbolçudur, öz üzərində çalışır. 

 

Komanda qol vuranda müdafiəyə çəkilir, bundan sonra isə arxa xəttə səhvlər edirsiniz.  Buraxılan qollar sizi narahat edirmi?

- Futbol müdafiə və hücumdan ibarətdir . Düşünmürəm ki, biz arxaya çəkilirik, lazım olanda hücum edirik. İmkan düşdükcə boşluqlar tapıb qol vurmağa çalışırıq. Düşünmürəm ki, müdafiə futbolu oynayırıq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin