"Şüvəlan" Naxçıvanda kubok qazandı

Sportarena.az      24 May 2018, 12:17

Naxçıvan Muxtar Respublikasının Gənclər və İdman nazirliyi ilə Peşəkar Futbol Liqasının birgə təşkil etdiyi IV Heydər Əliyev Kubokuna yekun vuruldu. Naxçıvan Muxtar Respublikasında 4 gün davam edən və dairəvi sistem üzrə keçirilən yarışda 4 komanda – “Şüvəlan”, MOİK, “Araz-Naxçıvan” və “Arpaçay” qalib adı uğrunda mübarizə apardılar.


Sportarena.az PFL-ə istinadən xəbər verir ki, yarışın sonuncu günündə, həlledici qarşılaşmalardan öncə ulu öndər Heydər Əliyevin abidəsi ziyarət olundu. Gülqoyma mərasimində Peşəkar Futbol Liqasının prezidenti Ramin Musayev, Naxçıvan MR  Gənclər və İdman naziri Azad Cabbarov, Naxçıvan MR Futbol Federasiyasının sədri Səbuhi Şahverdiyev, hakimlər, hakim-inspektorlar və AFFA nümayəndələri və digər rəsmi şəxslər iştirak etdilər. 

 

Daha sonra “Arpaçay” və “Araz Naxçıvan” mübarizəsi baş tutdu. Bu oyunda 3:0 hesabı ilə qalib gələn “Araz –Naxçıvan” 3-cü yeri təmin etdi. Sonuncu oyunda isə “Şüvəlan” və MOİK üz-üzə gəldilər. Çempionluq üçün “Şüvəlan”a 1 xal yetərli idisə, MOİK  mütləq qələbə qazanmalı idi. Lakin “Şüvəlan” işinin öhdəsindən layiqincə gəldi və 1-0 hesabı ilə qalib olaraq kuboku muzeyinə apardı, MOİK isə ikinci oldu.  Oyunda vurulan yeganə qolun müəllifi Tural Qürbətov ümumilikdə 7 qolla turnirin bombardiri oldu. Ən yaxşı qapıçı adına “Şüvəlan”ın üzvü Həsən Hüseynov, ən yaxşı sahə oyunçusu adına isə Turqay İbrahimov layiq görüldü. 

 

Mükafatları Peşəkar Futbol Liqasının prezidenti Ramin Musayev, Naxçıvan MR  Gənclər və İdman naziri Azad Cabbarov, Naxçıvan MR Futbol Federasiyasının sədri Səbuhi Şahverdiyev təqdim etdilər.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin