Əsgər Abdullayev yenidən "Araz Naxçıvan"da

Sportarena.az      12 İyul 2018, 17:15

2013/14 mövsümündə "Araz-Naxçıvan"la I divizionun qalibi olan baş məşqçi Əsgər Abdullayev yenidən komandanın sükanı arxasına keçib.

 

Sportarena.az xəbər verir ki, Naxçıvan Muxtar Respublikası Futbol Federasiyasiyasında aparılan struktur dəyişikliyindən sonra muxtar respublikada futbolun inkişafı, kütləviliyi üçün müəyyən addımlar atılmağa başlanılıb. İlk olaraq, bu mövsümdən etibarən 10, 11, 12, 13 və 14 yaşlı uşaqlar arasında Naxçıvan Muxtar Respublika çempionatı start götürəcək. 

 

Futbolçuların peşəkarlığını artırmaq, komandalar arasında rəqabətin yüksək olması üçün bir çox peşəkar məşqçi Naxçıvana dəvət olunacaq. İstər futbolçu, istərsə də məşqçilik karyerası zəngin olan Əsgər Abdullayev də artıq Naxçıvandadı. Onunla qarşıdakı günlərdə 1+1 illik müqavilə imzalanacaq.

 

Əsgər Abdullayev komandanın baş məşqçisi olmaqla yanaşı, eyni zamanda muxtar respublikada uşaqlar, xüsusilə böyüklər arasında keçiriləcək çempionatlarda çıxış edəcək komandalara da nəzarət edəcək. Məqsəd isə istedadlı futbolçuları üzə çıxarmaq və onları əsas komandaya dəvət etməkdi.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin